រាជធានីភ្នំពេញ៖កីឡាគុនខ្មែរជាកីឡាវប្បធម៌ជាតិនិងជាកីឡាអត្តសញ្ញាណជាតិដែលរាជរដ្ឋាភិបាលកំពុងតែជំរុញឱ្យមានការឈានពីកម្រិតជាតិទៅកម្រិតសាកល។ដូច្នេះបេសកកម្មនៃការឆ្ពោះទៅរកសាកលភាវូបនីយកម្មនៃកីឡាគុនខ្មែរត្រូវបានរាជរដ្ឋាភិបាលដាក់ចក្ខុវិស័យដើម្បីធ្វើការអភិវឌ្ឍនិងអភិរក្សក្បាច់គុនបូរាណខ្មែររបស់យើង។នេះបើតាមប្រសាសន៍របស់ឯកឧត្តមវ៉ាត់ ចំរើនរដ្ឋលេខាធិការក្រសួងអប់រំយុវជននិងកីឡានៅក្នុងឱកាសធ្វើសន្និសីទសារព័ត៌មានស្ដីការប្រកួតគុនខ្មែរពិភពលោកនៅខេត្តព្រះសីហនុកាលពីថ្ងៃទី២៣ខែវិច្ឆិកាឆ្នាំ២០២៥។
ឯកឧត្តមវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជាបានមានប្រសាសន៍ថាក្រោយពីជោគជ័យនៃកាដាក់បញ្ចូលគុនខ្មែរនៅក្នុងកីឡា ស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះធ្វើឱ្យកេរ្តិ៍ឈ្មោះកីឡាគុនខ្មែររបស់យើង ល្បីសុះសាយពាសពេញពិភពលោក។បច្ចុបន្ននេះ គ្រាន់តែការប្រកួតកីឡា ស៊ីហ្គេមត្រូវបានបញ្ចប់មានប្រទេសចំនួន៥០ចូលជាសមាជិក។
បើបូកជាមួយប្រទេសដែលគាំទ្រគុនខ្មែរពីមុនមកទៀតផងនោះយើងមានសមាជិកគុនខ្មែរនៅលើពិភពលោករហូតដល់ទៅជាង៦០ប្រទេស។នេះគឺជាមោទនភាពគុនខ្មែរដែលដូនតាយើងបន្សល់ទុកនូវវិជ្ជាគុនឬយុទ្ធគុនខ្មែរបូរាណមួយនេះដែលយើងទាំងអស់គ្នាត្រូវចងចាំ។ទន្ទឹមជាមួយគ្នានេះដែរយើងក៏បានធ្វើការជាមួយចរន្តនៃចលនាកីឡាអន្តរជាតិពីមួយឆ្នាំទៅមួយឆ្នាំជាប្រចាំ។ជាក់ស្ដែងនៅប៉ុន្មានឆ្នាំខាងមុខនេះយើងនឹងបញ្ចូលការប្រកួតគុនខ្មែរទៅក្នុងកីឡាយុវជនអាស៊ីដែលកម្ពុជាធ្វើជាម្ចាស់ផ្ទះនៅឆ្នាំ២០៣១។
ដូច្នេះគុនខ្មែររបស់យើងឈានពីកម្រិតតំបន់អាស៊ីអាគ្នេយ៍ទៅកម្រិតទ្វីបនៅប៉ុន្មានឆ្នាំខាងមុខនេះនិងបញ្ចូលគុនខ្មែរពីកម្រិតទ្វីបទៅអូឡាំពិក។ចឹងយើងមានគោលដៅច្រើន ប៉ុន្តែដើម្បីសម្រេចឱ្យបាននូវចក្ខុវិស័យនេះទាល់តែបងប្អូនទាំអស់នៅក្នុងបន្ទុកនេះ ក៏ដូចជាប្រជាពលរដ្ឋខ្មែរទូទាំងប្រទេសជួយឧបត្ថម្ភគាំទ្រទាំងស្មារតីទាំងលទ្ធភាពក្នុងការអភិវឌ្ឍនិងអភិរក្សកីឡាគុនខ្មែររបស់យើ។យើងចង់ ឱ្យក្រឡេកមើលខេត្តព្រះសីហនុជាខេត្តដែលមានសក្ដានុពលខ្ពស់ ជាគំរូដូចគេធ្លាប់ធ្វើនៅឡាសវេហ្គាស សហរដ្ឋអាមេរិក។
ហើយបើគេនិយាយពីឡាសវេហ្គាសគេនិយាយពីការប្រកួតកីឡាប្រដាល់ធំៗនៅលើភិភពលោក។យើងចង់ ឱ្យខេត្តព្រះសីហនុជាកន្លែងអញ្ជើញកីឡាករខ្លាំងៗនៅលើពិភពលោកមកប្រកួតនៅទីនេះ។
ដូច្នេះឯកឧត្តមចង់ឱ្យខេត្តព្រះសីហនុចងក្រងសមាគមអ្នករកស៊ីនាំគ្នាផ្ដោតទៅលើកីឡាប្រដាល់ទាំងអស់គ្នា។
ហើយខាងជំនាញនិងភ្ញៀវរបស់សហព័ន្ធគុនខ្មែរធ្វើការជាមួយគ្នា ហើយយើងនឹងធ្វើរាល់ឆ្នាំនៅក្នុងខេត្តព្រះសីហនុ។ហើយយើងនឹងធ្វើឱ្យតម្លៃខ្លួនកីឡាករគុនខ្មែរកាន់តែខ្ពស់ និងពិភពលោកចាប់អារម្មណ៍មក កម្ពុជាកាន់តែខ្លាំង។
ឱ្យតែគេចង់មកមើលការប្រកួតគុនខ្មែរកម្រិតខ្ពស់បំផុត ដណ្ដើមខ្សែក្រវាត់ពិភពលោកគេនឹងមកទីនេះ។
នេះគឺជាសុបិនរបស់យើងទាំងអសគ្នា។
យើងទាំងអស់គ្នាខិតខំប្រឹងប្រែងធ្វើការងារនេះ ដោយមានកាវង្អុលបង្ហាញពីរាជរដ្ឋាភិបាល យើងត្រូវធ្វើការងារនេះជាមួយរដ្ឋបាលខេត្តដើម្បីប្រមែលប្រមូលការចូលរួមដើម្បីដាក់ផែនការតើត្រូវធ្វើឡើងនៅឆ្នាំណា បង្កើតឱ្យទៅជាប្រេនមួយនៅខេត្តព្រះសីហនុ ធ្វើការប្រកួតជាលក្ខណៈអាជីពជារៀងរាល់ឆ្នាំ ឬមួយជាការផ្គូផ្គងស្ដេចប្រដាល់នៅទីនេះតែម្ដង។ទាំងនេះគឺជាការរៀបចំផែនការដើម្បីឱ្យចក្ខុវិស័យមួយនេះសម្រេចបានជោគជ័យ។ដូច្នេះការប្រកួតជើងឯកពិភពលោកឆ្នាំនេះមានសម្ទុះកើនឡើងសឹង១០០%បើប្រៀបកាលពីឆ្នាំមុន ដែលមានរហូតដល់ទៅ៣៧ប្រទេសចូលរួម។ហើយយើក៏មិនមានមហិច្ឆតាប្រជែងជាមួយអ្នកណានោះដែរ។ធ្វើយ៉ាងណាឱ្យរឹងមាំខ្លួនឯង ល្បីល្បាញខ្លួនឯងនិងធ្វើឱ្យខ្លួនឯងមានតម្លៃ គោរពទៅតាមច្បាប់ទម្លាប់អន្តរជាតិឱ្យបានត្រឹមត្រូវ គេប្រាកដជាមករកយើងមិនខាន។ហើយនៅឆ្នាំនេះគឺជាឆ្នាំមួយដែលយើងត្រូវរៀបចំរបៀបរបបដឹកនាំឱ្យខ្លាំងសម្រាប់គុនខ្មែររបស់យើង។ខ្លាំង ទាំងខាងក្នុងខ្លាំងទាំងខាង ក្រៅ។ហើយបើខាងក្នុងខ្លាំងទើបយើងឈានទៅរកភាពជោគជ័យ ធ្វើការផ្សព្វផ្សាយទៅខាងក្រៅបាន។
ឆ្នាំនេះយើងរៀបចំធ្វើមហាសន្និបាតធំមួយមានសមាជិកគ្រប់ប្រទេសចូលរួមដើម្បីរៀបចំរចនាសម្ព័ន្ធគ្រប់គ្រងគុនខ្មែររបស់យើងនៅលើពិភពលោក។ទាល់តែយើងមានរចនាសម្ព័ន្ធគ្រប់គ្រង ទើបមាននិរន្តរភាពក្នុងការអភិវឌ្ឍ។ចឹងនៅខេត្តព្រះសីហនុក៏ក្លាយទៅជានិមិត្តរូបនិងរបត់ថ្មីមួយទៀតសម្រាប់គុនខ្មែរអន្តរជាតិដែលនឹងចេញសេចក្ដីថ្លែងការណ៍គុនខ្មែរនៅក្នុងខេត្តព្រះសីហនុនេះ។ចំណែក្រុមពាណិជ្ជករឬអ្នក អាជិវកម្មដែលរកស៊ីនៅក្នុងខេត្តព្រះសីហនុទាំងអស់ត្រូវមានកាតព្វកិច្ចលើកកម្ពស់នូវវិស័យគុនខ្មែរនេះ ដើម្បីឈានទៅរកដំណោះស្រាយឈ្នះៗទាំងអស់គ្នាខាងវិស័យឯកជនក៏បានផលចំណេញរីឯវិស័យកីឡាគុនខ្មែរក៏រីកចម្រើន។
ចំណុចសំខាន់មួយទៀតគឺចង់ឱ្យអ្នករកស៊ីបង្កើតជាក្លិបកីឡាផ្ទាល់ខ្លួនមួយចិញ្ចឹមកីឡាករហ្វឹកហាត់រកកីឡាករខ្លាំងដើម្បីត្រៀមប្រកួតកម្រិតពិភពលោកបើមានលទ្ធភាព។ហើយក្រុមការងារបស់សហព័ន្ធជាតិនិងអន្តរជាតិជួយខាងបច្ចេទេសមានគ្រូដែលត្រូវការ ជំនួយឧបត្ថម្ភគាំទ្រជាមួយគ្នា។ដូច្នេះបើយើងចង់ប៉ះជាមួយស្ដេចប្រដាល់ពិភពលោកបានទាល់តែមានក្លិបច្រើន កីឡាករច្រើននិងការប្រកួតច្រើន។
ឯកឧត្តមបានមានប្រសាសន៍លើកឡើងថានៅថ្ងៃទី១៧ខែធ្នូគឺជាថ្ងៃបើកនូវទំព័រប្រវត្តិសាស្ត្រប្រដាល់ជើងឯកគុនខ្មែរកម្រិតពិភពលោកប្រចាំឆ្នាំ២០២៥របស់យើង។ហើយអ្វីដែលកាន់តែពិសេសទៅទៀតនោះយើងបានដាក់ចេញនូវគោលការណ៍ថ្មីមួយទៀត បើកីឡាករណាមិនថាកីឡាករបរទេសឬកីឡាករកម្ពុជានោះទេដណ្ដើមបានខ្សែក្រវាត់៣ដងជាប់គ្នានឹងទទួលបានជាម្ចាស់ខ្សែក្រវាត់មាសនៅឆ្នាំទី៣ដែលបានទទួល។គោលការណ៍មួយនេះគឺត្រូវបានដាក់ចេញចាប់ពីឆ្នាំ២០២៥នេះទៅ។ចំណែកតម្លៃខ្លួនក៏ច្រើនទៅតាមហ្នឹងដែរ។ឯកឧត្តមសូមថ្លែងអំណរគុនដល់ក្រុមហ៊ុនខ្មែរប៊ែវើរីជីសដែលតែឧបត្ថម្ភគាំទ្រគ្រប់វិស័យកីឡារៀងរហូតមក៕
