ការប្រកួតកីឡាផិក្កូលប៊លលក្ខណៈអន្តរជាតិ King Kong Tournament Cup 2026 កាលពីថ្ងៃទី២១ និងទី២២ ខែមីនា កន្លងទៅ នៅទីលានក្នុងខណ្ឌច្បារអំពៅ។
លោក អន ចិន្ត្រាសំរិត អគ្គលេខាធិការសហព័ន្ធកីឡាផិក្កូលប៊លកម្ពុជា បានឱ្យដឹងថា ការប្រកួតនេះទទួលបានអ្នកចូលរួមទាំងជាតិ និងអន្តរជាតិ ចំនួន២០០នាក់ និងអ្នកទស្សនាដល់ទៅជិត១០០០នាក់។ ក្នុងនោះកីឡាករមកពីក្រៅប្រទេសវៀតណាម និងម៉ាឡេស៊ី មានច្រើន ក៏ដូចជាជនបរទេសដែលរស់នៅ និងធ្វើការនៅកម្ពុជា។
កីឡាករកីឡាការិនីចូលរួមក្រៅពីកម្ពុជា នោះមានដូចជា ជនជាតិអាមេរិក ចិន ម៉ាឡេស៊ី វៀតណាម ជប៉ុន សិង្ហបុរី អូស្ត្រាលី បារាំង កូរ៉េខាងត្បូង កាណាដា អ៊ីតាលី ចក្រភពអង់គ្លេស ស្វីស ហុងកុង ហ្វីលីពីន អៀរឡង់ និងអេស្ប៉ាញ។
គួរដឹងដែរថា ផិក្កូប៊ល គឺជាកីឡាកំពុងពេញនិយមមួយនៅតាមបណ្ដាប្រទេសនានា និងមានអ្នកលេងកាន់តែច្រើននៅកម្ពុជា។ ដោយសារតែកំណើនបែបនេះ សហព័ន្ធកីឡាផិក្កូប៊លកម្ពុជា ត្រូវបានប្រកាសបង្កើតឡើងនៅដើមឆ្នាំ២០២៦ នេះ ដែលមានឯកឧត្ដម លីម ហ៊ួរនីតា ជាប្រធាន៕
