ព្រឹត្តិការណ៍កីឡាតេក្វាន់ដូ WT ព្រឹត្តិការណ៍ “HOPE League Taekwondo Competition” The Best of The Best រៀបចំដោយខេមរសហព័ន្ធតេក្វាន់ដូ និងបណ្ឌិតសភាតេក្វាន់ដូកម្ពុជា ក្នុងគោលបំណងចម្រាញ់ធនធានអត្តពលិកវ័យក្មេងត្រៀមឆ្ពោះទៅព្រឹត្តិការណ៍កីឡាយុវជនអាស៊ី ឆ្នាំ២០២៩ ដែលកម្ពុជា ធ្វើជាម្ចាស់ផ្ទះ។ នេះជាការឱ្យដឹងពីលោក ឆយ យ៉ុងស៊ុក គ្រូបង្វឹកក្រុមជម្រើសជាតិតេក្វាន់ដូ WT កម្ពុជា។
ព្រឹត្តិការណ៍នេះប្រព្រឹត្តទៅនៅពហុកីឡដ្ឋានជាតិអូឡាំពិកថ្ងៃសៅរ៍ ទី១១ ខែតុលា ឆ្នាំ២០២៥ តែមុនឈានដល់ថ្ងៃចុងក្រោយនេះមានការជម្រុះសល់ត្រឹម៥រាជធានីខេត្តមានយុវជន៤៤នាក់។ សម្រាប់វិញ្ញសាមានសម្ដែងមេគុន និងប្រយុទ្ធ និងកីឡាករកីឡាការិនីចន្លោះអាយុ៨ឆ្នាំដល់១៧ឆ្នាំ។
ព្រឹត្តិការណ៍កីឡាតេក្វាន់ដូ WT " the Best of the Best"ត្រូវបានបង្កើតឡើងក្នុងឆ្នាំ២០១៥ ដែលជាការប្រកួតប្រចាំឆ្នាំ តែសម្រាប់ឆ្នាំ២០២៥នេះ គឺផ្ដោតសំខាន់លើការចម្រាញ់ធនធានត្រៀមឆ្នាំ២០២៩៕
