ក្នុងឱកាសចូលរួមវេទិកាកីឡាពិភពលោក ឯលឧត្ដម វ៉ាត់ ចំរេីន រដ្ឋលេខាធិការក្រសួងអប់រំ យុវជន និងកីឡា និងជា មកប្រធានស្តីទីសហព័ន្ធគុនល្បុក្កតោកម្ពុជា មកនិងគុនខ្មែរអន្តរជាតិ ជាមួយនឹងឯឧត្តម ពេជ្រ ឃុនបញ្ញា ឯកអគ្គរាជទូតកម្ពុជាប្រចាំសហព័ន្ធរុស្សីបានចុះពិនិត្យក្លឹបគុនខ្មែរ និងគុនល្បុក្កតោនៅអនុវិទ្យាល័យលេខ១៧ នារដ្ឋធានីមូស្គូ នៅថ្ងៃទី៨ ខែវិច្ឆិកា ឆ្នាំ២០២៥។
ក្នុងការសាបព្រោះទៅកាន់យុវជន និងប្រជាជនខ្លួន រុស្សីបានខិតខំអភិវឌ្ឍកីឡាវប្បធម៌ អត្តសញ្ញាណជាតិខ្មែរ ដោយបើកទីលានហ្វឹកហាត់ និងកម្មវិធីហ្វឹកហាត់ដល់កូនសិស្សជិត១០០០នាក់។ ទន្ទឹមនឹងនេះ រុស្សីបានរៀបចំការប្រកួតគុនខ្មែរ និង គុនល្បុក្កតោថ្នាក់ជាតិជារៀងរាល់ឆ្នាំ និងកំពុងពង្រីកទៅថ្នាក់ឧត្តមសិក្សាថែមទៀត។
ឯកឧត្ដម វ៉ាត់ ចំរើន មានប្រសាសន៍ថា ក្រោយបានទទួលការគាំទ្រពីក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជាបានចុះអនុសារណៈយោគយល់(MoU) ជាមួយភាគីរុស្ស៊ីដើម្បីរួមគ្នាអភិវឌ្ឍកីឡាប្រពៃណីនៃប្រទេសទាំងពីរ។
មិនតែប៉ុណ្ណោះ ប្រតិភូកីឡាគុនខ្មែររុស្សីបានត្រៀមមកចូលរួមប្រកួតជើងឯកគុនខ្មែរពិភពលោកនៅក្រុងព្រះសីហនុ ចាប់ពីថ្ងៃទី១៧ ដល់២០ ខែធ្នូ ឆ្នាំ ២០២៥។
ឯកឧត្ដម វ៉ាត់ ចំរើន ចាត់ទុកថា នេះជាសក្ខីកម្មនៃការងារអភិវឌ្ឍន៍កីឡាវប្បធម៌ជាតិទៅកាន់ពិភពលោក ក្រោមម្លប់សន្តិភាព និងការអភិវឌ្ឍរបស់រាជរដ្ឋាភិបាល និងគោលនយោបាយកាទូតកីឡារបស់សម្តេចមហាបវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា៕
