តារាបាល់ទាត់ Cristiano Ronaldo បញ្ជាក់ថា FIFA World Cup 2026 គឺជាព្រឹត្តិការណ៍ចុងក្រោយសម្រាប់គេហើយ ហើយថា គេអាចនឹងចូលនិវត្តន៍ក្នុងរយៈពេល១ឆ្នាំឬ២ឆ្នាំខាងមុខ។
តាមរយៈកិច្ចសម្ភាសមួយនៅក្រុងរីយ៉ាដ ប្រទេសអារ៉ាប៊ីសាអ៊ូឌីត ថ្មីៗនេះ ប្រធានក្រុមបាល់ទាត់ជម្រើសជាតិព័រទុយហ្គាល់ថ្លែងបែបនេះ "៖ ប្រាកដហើយ! ខ្ញុំនឹងឈានដល់អាយុ៤១ឆ្នាំនៅឆ្នាំក្រោយនេះ ហើយខ្ញុំគិតថា វាគឺជាព្រឹត្តិការណ៍ដ៏ធំ។ និយាយឱ្យស្មោះត្រង់ទៅ ខ្ញុំអាចនឹងចូលនិវត្តន៍ឆាប់ៗនេះ មានន័យថា អាច១ឆ្នាំ ឬ២ឆ្នាំទៀត។"
Cristiano Ronaldo ផ្ដើមអាជីពជាកីឡាករបាល់ទាត់ក្នុងឆ្នាំ២០០២ នៅ Sporting Lisbon និងជាប់ក្រុមធំជម្រើសជាតិព័រទុយហ្គាល់ក្នុងឆ្នាំ២០២៣។ គិតមកទល់ពេលនេះ កីឡាករវ័យ៤០ឆ្នាំរកបាន១៤៣គ្រាប់ក្នុងក្រុមជម្រើសជាតិ និងជាង១០០០គ្រាប់ហើយក្នុងនាមជាកីឡាករបាល់ទាត់អាជីព។
នៅកម្រិតក្លិប ប្រធានក្រុម Al-Nassr បានរួមចំណែកឈ្នះពានរង្វាន់យ៉ាងច្រើននៅ Manchester United, Real Madrid និង Juventus ហើយនៅជម្រើសជាតិ គេបានលើកពាន UEFA Euro 2016 និង UEFA Nations League 2018/2019 និង 2024-2025។ ប៉ុន្តែ ម្ចាស់ពាន Ballon D'or ៥សម័យមិនទាន់បានស្គាល់រសជាតិលើកពាន FIFA World Cup នៅឡើយទេ៕
