ព័ត៌មានលម្អិត

ការរួមចំណែកពី Sunway ក្នុងព្រឹត្តិការណ៍វ៉ូវីណាមជើងឯកអាស៊ីនៅកម្ពុជា ជួយជំរុញទាំងកីឡា និង ទេសចរណ៍ជាតិ

Published on 02-07-2026 53 មើល

សហព័ន្ធកីឡាវ៉ូវីណាមកម្ពុជាបានចាត់ទុកការចូលរួមឧបត្ថម្ភជ្រោមជ្រែងពីដៃគូនានាដល់ព្រឹត្តិការណ៍កីឡាវ៉ូវីណាមជើងឯកអាស៊ី ឆ្នាំ២០២៦ នៅកម្ពុជា គឺជាការរួមចំណែកដ៏សំខាន់ក្នុងការអភិវឌ្ឍកីឡាជាតិ។ នេះជាការលើកឡើងរបស់ឯកឧត្ដម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា។
Uploaded image ថ្នាក់ដឹកនាំសហព័ន្ធមានប្រសាសន៍បែបនេះក្នុងឱកាសចុះ MoU ជាមួយសណ្ឋាគារ Sunway Hotel ដែលបានចូលរួមចំណែកឧបត្ថម្ភការស្នាក់នៅដល់មន្ត្រីបច្ចេកទេស ប្រតិភូ និងអត្តពលិកដែលនឹងចូលរួមព្រឹត្តិការណ៍កីឡាវ៉ូវីណាមជើងឯកអាស៊ី ឆ្នាំ២០២៦ នៅកម្ពុជាដែលនឹងប្រព្រឹត្តទៅនាពហុកីឡដ្ឋានជាតិអូឡាំពិកអំឡុងខែវិច្ឆិកា ខាងមុខ។
Uploaded image ទន្ទឹមនឹងនេះ ឯកឧត្ដម អ៊ូ រតនា សង្កត់ធ្ងន់ថា សណ្ឋាគារ Sunway ក៏ស្ថិតក្នុងភូមិសាស្ត្រដ៏អំណោយផលសម្រាប់ផ្សព្វផ្សាយសក្ដានុពលទេសចរណ៍ជាតិ ព្រោះស្ថិតនៅជាប់រមណីយដ្ឋានជាតិវត្តភ្នំ និងជិតផ្លូវថ្មើរជើង ដែលប្រតិភូ និងអត្តពលិកអន្តរជាតិអាចទៅកម្សាន្ដស្វែងយល់ពីអរិយធម៌ វប្បធម៌ខ្មែរ ពេលពួកគេសម្រាកពីការប្រកួត។
ក្រៅតែពីទីតាំងស្នាក់នៅ សហព័ន្ធកីឡាវ៉ូវីណាមកម្ពុជាក៏ទទួលបាននូវការចូលរួមជ្រោមជ្រែងពីដៃគូជាសម្ភារៈ ឯកសណ្ឋាន និង ចំណីអាហារ ផងដែរ។
Uploaded image ជុំវិញព្រឹត្តិការណ៍កីឡាវ៉ូវីណាមជើងឯកអាស៊ី ឆ្នាំ២០២៦ ប្រមុខសហព័ន្ធដដែលថ្លែងថា នឹងមានប្រទេសចូលរួមមិនក្រោម២០ឡើយ ខណៈការបើកឱ្យចុះឈ្មោះនៅមានសុពលភាពរហូតដល់ដំណាច់ខែសីហា ឆ្នាំ២០២៦។ សម្រាប់វិញ្ញាសាមានចំនួន៥៥ និងបែងចែកជាកម្រិតយុវជន និង អាយុក្រោម១៨ឆ្នាំ។ ចំណែកអត្តពលិកកម្ពុជាដែលត្រៀមប្រកួតប្រជែងយកមេដាយមានជាង៤០រូប ហើយផ្ដោតសំខាន់លើការសម្រួចសមត្ថភាពយុវជនទៀតផង៕

អត្ថបទពាក់ព័ន្ធ

លោក Johan អតីតកីឡាករប្រដាល់ជនជាតិរុស្ស៊ីសប្បាយចិត្តបានរួមចំណែកបណ្ដុះបណ្ដាលកីឡាករ...

7 ម៉ោងមុន

កម្ពុជាប្រកាសបើកដំណើរការជាផ្លូវការសហព័ន្ធកីឡាសាំបូ

1 ថ្ងៃមុន

ឯកឧត្តមបណ្ឌិត ថោង ខុន ផ្ដល់អនុសាសន៍ឲ្យថ្នាក់ដឹកនាំសមាគមមូលនិធិអភិរក្សដំរីខ្មែរ រ...

1 ថ្ងៃមុន

អបអរសាទរ! មន្ត្រីNOCC ដណ្ដើមបានចំណាត់ថ្នាក់លេខ១ ក្នុងការប្រកួតបច្ចេកទេសសង្គ្រោះ...

2 ថ្ងៃមុន