ព័ត៌មានលម្អិត

មិនបារម្ភពីគូប្រកួតលំដាប់អូឡាំពិក! Anvar ប្ដេជ្ញាយកមេដាយមាសពីព្រឹត្តិការណ៍ប្រដាល់សកលនៅអាមេនី

Published on 07-07-2026 2002 មើល

កីឡាករប្រដាល់សកលឆ្នើមជម្រើសជាតិកម្ពុជា Anvar Nasredinov កំពុងតែពង្រឹងសមត្ថភាពយ៉ាងខ្លាំងក្លា ដើម្បីត្រៀមខ្លួនចូលរួមប្រកួតក្នុងកម្មវិធីកម្រិតអន្តរជាតិ International Elite Boxing Tournament Yerevan Mayor Cup 2026 ដែលនឹងប្រព្រឹត្តទៅចាប់ពីថ្ងៃទី២០ ដល់ថ្ងៃទី២៦ ខែកក្កដា ឆ្នាំ២០២៦ ខាងមុខនេះ នៅក្រុង Yerevan សាធារណរដ្ឋអាមេនី។
Uploaded image ម្ចាស់មេដាយសំរឹទ្ធស៊ីហ្គេម ឆ្នាំ២០២៣ បានចាត់ទុកថា ការនៅលើសង្វៀនទឹកដីអឺរ៉ុបមួយនេះ គឺជាឱកាសមាសដ៏សំខាន់បំផុតក្នុងការវាស់ស្ទង់កម្រិតបច្ចេកទេសរបស់ខ្លួន មុនឈានជើងចូលរួមព្រឹត្តិការណ៍កីឡាអាស៊ីដ៏ធំ (Asian Games 2026) នៅប្រទេសជប៉ុន នាខែកញ្ញា ខាងមុខ។ បើទោះបីជាត្រូវដឹងមុនថា អាចនឹងត្រូវប្រឈមមុខជាមួយកំពូលអ្នកប្រដាល់ខ្លាំងៗមកពីតំបន់អឺរ៉ុប និងកីឡាករលំដាប់អូឡាំពិកក៏ដោយ ក៏អ្នកប្រយុទ្ធតំណាងកម្ពុជារូបនេះមិនមានការព្រួយបារម្ភទាល់តែសោះ ព្រោះរូបគេបានរៀបចំខ្លួនរួចជាស្រេចទាំងកម្លាំងស៊ុហ្វ និងយុទ្ធសាស្ត្រប្រយុទ្ធ។
Uploaded image ជុំវិញការត្រៀមលក្ខណៈនេះ Anvar Nasredinov បានលើកឡើងដោយភាពជឿជាក់ថា “៖ ខ្ញុំបានត្រៀមខ្លួនយ៉ាងល្អិតល្អន់ជាមួយគ្រូបង្វឹក ទាំងផ្នែកបច្ចេកទេស និងកម្លាំងកាយ។ ខ្ញុំដឹងថាព្រឹត្តិការណ៍នេះសម្បូរទៅដោយកីឡាករខ្លាំងៗ ជាពិសេសអ្នកប្រដាល់មកពីតំបន់អឺរ៉ុប និងកីឡាករកម្រិតអូឡាំពិក ប៉ុន្តែខ្ញុំមិនមានសម្ពាធ ឬក្តីបារម្ភអ្វីឡើយ។ អ្វីដែលខ្ញុំត្រូវធ្វើនៅពេលនេះ គឺផ្តោតអារម្មណ៍១០០% លើការហ្វឹកហាត់ និងពង្រឹងសមត្ថភាពខ្លួនឯង។ គោលដៅធំបំផុតរបស់ខ្ញុំ គឺការដណ្តើមមេដាយមាសជូនកម្ពុជា និងក្រេបជញ្ជក់បទពិសោធល្អៗមុនពេលទៅប្រកួតនៅ Asian Games។”
Uploaded image សូមបញ្ជាក់ថា នៅក្នុងព្រឹត្តិការណ៍អន្តរជាតិនៅប្រទេសអាមេនីនេះ Anvar Nasredinov នឹងត្រូវឡើងប្រកួតប្រជែងនៅក្នុងប្រភេទទម្ងន់ ៨០ គីឡូក្រាម។ ជាមួយគ្នានោះដែរ រូបគេក៏បានប្តេជ្ញាចិត្តយ៉ាងមុតមាំថា នឹងវាយឱ្យអស់ពីសមត្ថភាព និងកម្លាំងកាយចិត្តនៅលើសង្វៀន ដើម្បីនាំយកជ័យជម្នះ និងមោទកភាពជូនជាតិមាតុភូមិ៕

អត្ថបទពាក់ព័ន្ធ

កីឡាករកីឡាការិនី Pickleball លំដាប់ពិភពលោកមកពីជាង២០ប្រទេសចូលរួមការប្រកួតអន្តរជាតិ...

20 ម៉ោងមុន

លោក គង់ ចាន់ធីណា អរគុណអ្នកគាំទ្រ ក្រោយហាប់គីដូកម្ពុជាឈ្នះមេដាយ ៣៥គ្រឿង

6 ថ្ងៃមុន

ឯកឧត្តម វ៉ាត់ ចំរើន ចូលរួមពិធីក្រុងពាលីសាងសង់ពហុកីឡដ្ឋានថ្មី ខេត្តស្វាយរៀង

6 ថ្ងៃមុន

MC Smile ៖ Dragon the Golden Ring ជាវេទិកាសម្រួចសមត្ថភាព និងបណ្តុះធនធានប្រដាល់សក...

1 សប្តាហ៍មុន