អ្នកប្រដាល់ទម្ងន់ស្រាល ប៊ុន សុធា កូនសិស្សគុន លោកគ្រូ ធន់ សុភា នឹងត្រូវប៉ះកីឡាករ បរទេសជនជាតិ អេរ៉ង់ ប៉ែនកាក់ យ៉ា ស៊ីន កូនសិស្សគុន លោកគ្រូ សេន ប៊ុន ថេន នៅថ្ងៃទី១៨ ខែ មករា ឆ្នាំ២០២៦ខាងមុខនេះ ក្នុងវគ្គផ្តាច់ព្រ័ត្រដណ្តើមខ្សែក្រវ៉ាត់អមដោយប្រាក់រង្វាន់ធំ១ម៉ឺនដុល្លារ ។
ជំនួបដណ្តើមខ្សែក្រវ៉ាត់និងប្រាក់រង្វាន់១ម៉ឺនដុល្លារអាមេរិកនេះ ប៊ុន សុធា កីឡាករជើងខ្លាំងទម្ងន់៥៥គីឡូក្រាម បានអន្ទះអន្ទែងចិត្តយ៉ាងខ្លាំងបន្ទាប់ពីខកខានលើកពេលប្រកួតដោយសារតែរឿងបញ្ហាព្រុំដែនកម្ពុជា និងថៃ។ ប៊ុន សុធា អះអាងទៀតថា ក្រោយបានដឹងពីថ្ងៃប្រកួតជាក់លាក់នៅថ្ងៃទី១៨ ខែ មករា ឆ្នាំ២០២៦ រូបគេបានត្រៀមខ្លួនរួចរាល់ហើយសម្រាប់ជំនួបប៉ះកីឡាករ យ៉ា ស៊ីន ។ការប្រកួតប៉ះយ៉ា ស៊ីន ជាលើកទី៣នេះ ដ្បិត២លើកកន្លងមករូបគេទទួលបរាជ័យក៏ដោយ។ ប៉ុន្តែជំនួបដណ្តើមលុយធំដែលជាជំនួបលើកទី៣នេះ និងធ្វើឱ្យអស់ពីចិត្តពីថ្លើម ដ្បិតជំនួបនេះជាការប្រកួតលើកចុងក្រោយរវាងរូបគេ និង យ៉ា ស៊ីនហើយ ។ ជាមួយគ្នានោះ ប៊ុន សុធា បានផ្តាំទៅលោកគ្រូ សេន ប៊ុន ថេន សូមឱ្យលោកគ្រូប្រយ័ត្នគីឡូរបស់ យ៉ា ស៊ីនផង។ព្រោះលើសគីឡូមែន ខ្សែក្រវ៉ាត់ និងទឹកប្រាក់រង្វាន់១ម៉ឺនដុល្លារនិងធ្លាក់លើកណ្តាប់ដៃរបស់គេហើយ។
លោក ថេន ប៊ុនថេន គ្រូរបស់ កីឡាករ បរទេស យ៉ា ស៊ីន បានបង្ហើបសារផ្ញើរទៅកាន់កីឡាករ ប៊ុន សុធាវិញថា យ៉ា ស៊ីន នឹងមិនខកខានការប្រកួតដោយសារតែលើគីឡូនោះទេ ។ ពោលរាល់ថ្ងៃ យ៉ា ស៊ីនហ្វឹកហាត់ជាប់ជាប្រចាំព្រមជាមួយការតាមដានគីឡូយ៉ាងលម្អិត ដល់ថ្ងៃថ្លឹងគីឡូ យ៉ា ស៊ីននិងនៅសល់តែ៥៤គីឡូជាងប៉ុណ្ណោះ។
សូមជម្រាប់ថា ការប្រកួតដណ្តើមខ្សែក្រវ៉ាត់ និងប្រាក់រង្វាន់១ម៉ឺនដុល្លារនេះ មានកីឡាករចូលរួមចំនួន៤រូបមានដូចជា កីឡាករ ប៊ុន សុធា .កីឡាករ ប៉ុង ធារី .គឿម សុវណ្ណឃីម និងកីឡាករ អេរ៉ង ប៉ែន កាក់យ៉ាស៊ីន ប្រកួតតាមរូបមន្តម៉ារ៉ាតុង ។មុនកីឡាករ ប៊ុន សុធា បានឡើងទៅកាន់វគ្គផ្តាច់ព្រ័ត្រត្រូវប៉ះកីឡាក យ៉ាស៊ីន នាថ្ងៃទី១៨ ខែ មករា ឆ្នាំ២០២៦ខាងមុខនេះ កីឡាករ ប៊ុន សុធាបានយកឈ្នះកីឡាករ ប៉ុង ធារី ខណៈប៉ែន កាក់យ៉ាស៊ីន បានយកឈ្នះកីឡាករគឿម សុវណ្ណឃីម។
សូមរំលឹកថា កីឡាករ ប៉ែន កាក់ យ៉ា ស៊ីន ធ្លាប់យកឈ្នះកីឡាករ ប៊ុន សុធា បាន២លើរួចមកហើយ ដោយការប្រកួតឈ្នះលើកទី១ ជាការប្រកួតលក្ខណៈមិត្តភាព និងឈ្នះប្រកួតទី២ គឺការប្រកួតដណ្តើមខ្សែក្រវ៉ាត់ ខណៈប្រកួតលើកទី៣ ហើយ ក៏អាចជាជំនួបចុងក្រោយរវាងអ្នកប្រដាល់ទាំងពីរ គឺទាំងសងខាងសុទ្ធតែបានបង្ហាញក្តីសង្ឈឹមខ្ពស់ដូចគ្នា៕
