គិតចាប់តាំងពីឆ្នាំ ១៩៥១ រហូតមកដល់ឆ្នាំ ២០២៦ នេះ កម្ពុជាបានដណ្ដើមបានមេដាយសរុបចំនួន ១០ គ្រឿង ពីព្រឹត្តិការណ៍កីឡាអាស៊ី (Asian Games) ក្នុងនោះរួមមាន៖ មេដាយមាស ៣ គ្រឿង, មេដាយប្រាក់ ២ គ្រឿង និងមេដាយសំរិទ្ធ ៥ គ្រឿង។
សមិទ្ធផលមេដាយទាំងនេះត្រូវបានបែងចែកជា ២ ដំណាក់កាលប្រវត្តិសាស្ត្រសំខាន់ៗ៖
១. ដំណាក់កាលដំបូង
(១៩៥១-១៩៧០)៖ ទទួលបានមេដាយសរុប ៥ គ្រឿង (ប្រាក់ ២ និងសំរិទ្ធ ៣)
ការប្រកួតលើកទី៤ នៅទីក្រុង Jakarta ប្រទេសឥណ្ឌូនេស៊ី (ឆ្នាំ ១៩៦២)៖ ទទួលបានមេដាយសំរិទ្ធ ១ គ្រឿង ដោយកីឡាករ យូ ជីនហុង លើប្រភេទកីឡាប្រដាល់សកល (ទម្ងន់ ៦០ គីឡូក្រាម)។
ការប្រកួតលើកទី៦ នៅទីក្រុងបាងកក ប្រទេសថៃ (ឆ្នាំ ១៩៧០)៖ ទទួលបានមេដាយសរុប ៤ គ្រឿង (ប្រាក់ ២ និងសំរិទ្ធ ២)
កីឡាករ ខៀវ សឿន៖ មេដាយប្រាក់ លើប្រភេទកីឡាប្រដាល់សកល (ទម្ងន់ ៦៣.៥ គីឡូក្រាម)
កីឡាករ ឡុង សាវឿន៖ មេដាយប្រាក់ លើប្រភេទកីឡាប្រដាល់សកល (ទម្ងន់ ៦៧ គីឡូក្រាម)
កីឡាករ ផាត់ សំអុន៖ មេដាយសំរិទ្ធ លើប្រភេទកីឡាហែលទឹក (វិញ្ញាសាហែលមេអំបៅ ចម្ងាយ ១០០ ម៉ែត្រ)
ក្រុមហែលទឹក (កីឡាករ ទៀត គឹមហេង, ទៀង សុខ, ផាក សំណាង និង តាន់ ប៊ុនថៃ)៖ មេដាយសំរិទ្ធ លើវិញ្ញាសាហែលសេរី 4x100m
២. ដំណាក់កាលទំនើប
(២០០២-២០២៦)៖ ទទួលបានមេដាយសរុប ៥ គ្រឿង (មាស ៣ និងសំរិទ្ធ ២)
ការប្រកួតលើកទី១៤ (Busan, កូរ៉េខាងត្បូង ឆ្នាំ ២០០២), លើកទី១៥ (Doha, កាតារ ឆ្នាំ ២០០៦) និងលើកទី១៦
(Guangzhou, ចិន ឆ្នាំ ២០១០)៖ កម្ពុជាមិនទទួលបានមេដាយនោះឡើយ។
ការប្រកួតលើកទី១៧ នៅទីក្រុង Incheon ប្រទេសកូរ៉េខាងត្បូង (ឆ្នាំ ២០១៤)៖ ទទួលបានមេដាយមាស ១ គ្រឿង ដំបូងគេបង្អស់ក្នុងប្រវត្តិសាស្ត្រ ដោយកីឡាការិនី ស៊ន សៀវម៉ី លើប្រភេទកីឡាតេក្វាន់ដូ (WT)។
ការប្រកួតលើកទី១៨ នៅទីក្រុង Jakarta & Palembang ប្រទេសឥណ្ឌូនេស៊ី (ឆ្នាំ ២០១៨)៖ ទទួលបានមេដាយសរុប ៣ គ្រឿង (មាស ២ និងសំរិទ្ធ ១)
កីឡាការិនី ខាន់ ជេសា៖ មេដាយមាស លើប្រភេទកីឡាជឺជីតស៊ូ (ទម្ងន់ ៤៩ គីឡូក្រាម)
កីឡាករ សាលី អូមើត៖ មេដាយមាស លើប្រភេទកីឡាម៉ូតូទឹក (វិញ្ញាសា Ski Modified)
កីឡាករ សាលី អូមើត៖ មេដាយសំរិទ្ធ លើប្រភេទកីឡាម៉ូតូទឹក (វិញ្ញាសា Runabout 1100 Stock)
