ព័ត៌មានលម្អិត

ព្រឹត្តិការណ៍តេក្វាន់ដូពានឯកអគ្គរដ្ឋទូតសាធារណរដ្ឋកូរ៉េ ២០២៦ បន្ថែមវិញ្ញាសានិម្មិតជាលើកដំបូង

Published on 06-11-2026 439 មើល

វិញ្ញាសាថ្មីតេក្វាន់ដូនិម្មិត ឬ Virtual Taekwondo ត្រូវបានដាក់បញ្ចូលជាលើកដំបូងក្នុងព្រឹត្តិការណ៍កីឡាតេក្វាន់ដូដណ្ដើមពានរង្វាន់ឯកអគ្គរដ្ឋទូតសាធារណរដ្ឋកូរ៉េ ប្រចាំ២០២៦ដែលរៀបចំដោយខេមរសហព័ន្ធតេក្វាន់ដូ នៅថ្ងៃព្រហស្បតិ៍ ទី៥ ខែវិច្ឆិកា នាមជ្ឈមណ្ឌលកិច្ចសហប្រតិបត្តិការកម្ពុជា-កូរ៉េ នៃសាកលវិទ្យាល័យភូមិន្ទភ្នំពេញ។
Uploaded image បើតាមការឱ្យដឹងពីឯកឧត្ដម ជ្រិន សុធា អគ្គលេខាធិការខេមរសហព័ន្ធតេក្វាន់ដូ Virtual Taekwondo ត្រូវបានដាក់ជាវិញ្ញាសាក្នុងពានរង្វាន់ដ៏ពិសេសនេះ ខណៈវិញ្ញាសានេះក៏នឹងមានក្នុងព្រឹត្តិការណ៍កីឡាស៊ីហ្គេម ឆ្នាំ២០២៧ នៅប្រទេសម៉ាឡេស៊ី នាពេលខាងមុខដែរ។ ជាក់ស្ដែងក្នុងចំណោមវិញ្ញាសាទាំង៦នៃការប្រកួតនេះ មានការប្រកួតតេក្វាន់ដូនិម្មិតដល់ទៅ៥វិញ្ញាសា ដោយមានចាប់ពីអាយុ១៤ឆ្នាំដល់៣៥ឆ្នាំទាំងបុរស និងនារី។
Uploaded image ឯកឧត្ដម គឹម ឆាងយ៉ុង ឯកអគ្គរដ្ឋទូតនៃសាធារណរដ្ឋកូរ៉េប្រចាំព្រះរាជាណាចក្រកម្ពុជា បានឱ្យដឹងថា ប្រទេសរបស់លោកនឹងបន្តគាំទ្រដល់ការអភិវឌ្ឍកីឡាតេក្វាន់ដូនៅកម្ពុជា ព្រមទាំងបន្តគាំទ្រដល់ការអភិវឌ្ឍទំនាក់ទំនងរវាងប្រទេសទាំងពីរតាមរយៈការផ្លាស់ប្ដូរទំនាក់ទំនងក្នុងវិស័យកីឡា និងវប្បធម៌។

ឯកឧត្ដមបណ្ឌិតសភាចារ្យ ហង់ជួន ណារ៉ុន ប្រធានខេមរសហព័ន្ធតេក្វាន់ដូមានប្រសាសន៍ព្រឹត្តិការណ៍តេក្វាន់ដូពានឯកអគ្គរដ្ឋទូតសាធារណរដ្ឋកូរ៉េ ត្រូវបានរៀបចំឡើងដើម្បីវាស់ស្ទង់កម្រិតបច្ចេកទេសបន្ថែមដល់កីឡាករ កីឡាការិនីទាំងអស់ត្រៀមចូលរួមការប្រកួតកីឡាតេក្វាន់ដូជាលក្ខណៈអន្តរជាតិនានា និងត្រៀមឆ្ពោះទៅការប្រកួតកីឡាស៊ីហ្គេមលើកទី៣៤ នៅប្រទេសម៉ាឡេស៊ី ឆ្នាំ២០២៧ ខាងមុខ។
Uploaded image សូមជម្រាបថា ព្រឹត្តិការណ៍តេក្វាន់ដូពានឯកអគ្គរដ្ឋទូតសាធារណរដ្ឋកូរ៉េ ២០២៦ មានប្រតិភូ គ្រូបង្វឹក និងកីឡាករ កីឡាការិនី ចូលរួមសរុប៦៩រូប មកពីរាជធានីខេត្ត ចំនួន០៣ គឺ ភ្នំពេញមាន៧ក្លិប បាត់ដំបង មានមួយក្លិប និងរតនៈគិរី មានមួយក្លិប៕

Uploaded image

អត្ថបទពាក់ព័ន្ធ

ជើងឯកកីឡាជាតិលើកទី៥ ជាវេទិកាតេស្តសមត្ថភាព ត្រៀមព្រឹត្តិការណ៍អន្តរជាតិធំៗចំនួន៣ ន...

1 ថ្ងៃមុន

សិក្ខាកាម៣០រូបបញ្ចប់វគ្គបណ្ដុះបណ្ដាលមន្ត្រីបច្ចេកទេសកីឡារាំដោយជោគជ័យ

3 ថ្ងៃមុន

សិស្សានុសិស្សវិទ្យាល័យ ជាស៊ីម សាមគ្គី កាន់តែយល់អត្ថន័យកីឡាក្រោយចូលរួមកម្មវិធីអប់...

3 ថ្ងៃមុន

គ្រូបង្វឹកតេក្វាន់ដូ WT ឆ្នើមកម្ពុជា២រូបបញ្ចប់វគ្គសិក្សាកម្រិត Global នៅសាធារណរដ...

4 ថ្ងៃមុន