ការប្រកួតកីឡាជឺជីតស៊ូប្រចាំព្រឹត្តិការណ៍កីឡាជាតិ និងកីឡាជាតិជនពិការឆ្នាំ២០២៦ បានបិទបញ្ចប់ហើយនៅរសៀលថ្ងៃអាទិត្យ ទី៨ ខែវិច្ឆិកា ឆ្នាំ២០២៦ នាទីលាន the Commune ខណ្ឌទួលគោក ក្រោយដំណើរការអស់រយៈពេល៣ថ្ងៃ។
ជាលទ្ធផលពីការប្រកួតយ៉ាងស្វិតស្វាញ ក្រុមក្រសួងសេដ្ឋកិច្ច និងហិរញ្ញវត្ថុ ឈរកំពូលតារាងមេដាយ ដោយដណ្ដើមបានមេដាយមាស៣គ្រឿង និងប្រាក់២គ្រឿង សរុប៥គ្រឿង។ ក្រុមខេត្តស្ទឹងត្រែងឈរលេខ២ រកបានមេដាយមាស២គ្រឿង និងសំរឹទ្ធ៤គ្រឿង សរុប៦គ្រឿង។ ក្រុមក្រសួងការពារជាតិ ប្រជែងបានមេដាយប្រាក់១ និងសំរឹទ្ធ២ សរុប៣គ្រឿង។
ក្រុមខេត្តកណ្ដាលឈរលេខ៤ មានមេដាយប្រាក់១ និងសំរឹទ្ធ១គ្រឿង សរុប២គ្រឿង។ ក្រសួងមហាផ្ទៃ បានមេដាយប្រាក់១ ខណៈខេត្តកែប និងខេត្តកំពត ទទួលបានមេដាយសំរឹទ្ធ១គ្រឿងដូចៗគ្នា។
សូមជម្រាបជូនថា ការប្រកួតកីឡាជឺជីតស៊ូប្រចាំព្រឹត្តិការណ៍កីឡា និងកីឡាជាតិជនពិការឆ្នាំ២០២៦ មាន១៤ក្រុមចូលរួម កើនឡើងជាងកាលឆ្នាំ២០២៤ ចំនួន៣ក្រុម។ ចំណែកកីឡាករ កីឡាការិនីមានសរុប៨៩រូប៕
