ឯកឧត្ដម លី កុសល អគ្គហេរញ្ញិកនៃគណៈកម្មាធិការជាតិអូឡាំពិកកម្ពុជា នឹងតំណាងឯកឧត្ដមបណ្ឌិត ថោង ខុន ទេសរដ្ឋមន្ត្រី និងជាប្រធានគណៈកម្មាធិការជាតិអូឡាំពិកកម្ពុជា ចូលរួមពិធីបិទព្រឹត្តិការណ៍កីឡាអាស៊ី នៅ Aichi-Nagoya 2026 នៅប្រទេសជប៉ុន។
ពិធីបិទព្រឹត្តិការណ៍កីឡាដ៏ធំប្រចាំទ្វីបអាស៊ីនេះនឹងប្រព្រឹត្តទៅនៅថ្ងៃទី៤ ខែតុលា ឆ្នាំ ២០២៦។
សូមជម្រាបជូនថា ក្នុងព្រឹត្តិការណ៍កីឡាអាស៊ី ២០២៦ កម្ពុជា បានបញ្ជូនប្រតិភូ និងអត្តពលិក ចូលរួមចំនួន១០៦នាក់ និងប្រកួតចំនួន១៤ប្រភេទកីឡា ហើយគិតមកទល់ពេលនេះ រកបានមេដាយសំរឹទ្ធចំនួន៤គ្រឿង។ មេដាយទាំង៤នោះ កម្ពុជារកបានក្នុងប្រភេទកីឡាបាល់ទាត់លើតុ ២គ្រឿង ការ៉ាតេដូ ១គ្រឿង និង គុនចម្រុះ១។
គិតមកទល់ពេលនេះ កម្ពុជា នៅសល់កីឡាចំនួន៦ទៀតដែលប្រកួត មានដូចជា យូដូ ទូក្ដោង កីឡាអេឡិចត្រូនិក ចំបាប់ អត្តពលកម្ម និង តេក្វាន់ដូ WT។
គួរបញ្ជាក់ថា ព្រឹត្តិការណ៍កីឡាអាស៊ី នៅ Aichi-Nagoya 2026 នៅប្រទេសជប៉ុន បានចាប់ផ្ដើមជាផ្លូវការពីថ្ងៃទី១៩ ខែកញ្ញា ដោយអត្តពលិកជាង១ម៉ឺននាក់ប្រកួតប្រជែងលើ៤៣ប្រភេទកីឡា៕
